Një nga çiftet më të njohura në Hollywood përflitet se janë ndarë.
Bëhet fjalë për aktoren Sofia Vergara dhe bashkëshortin e saj, aktorin amerikan Joe Manganiello, por gjithçka tani po tregon se ata nuk janë më bashkë dhe thashethemet për ndarjen e tyre sa vijnë e shtohen.
Sofia Vergara sapo mbushi 51 vjeç më 10 korrik dhe festoi me disa foto ku dukej spektakolare, por Joe nuk ishte me të, madje i dërgoi një mesazh shumë të shkurtër që shtoi spekulimet për ndarjen e tyre.
“Gëzuar ditëlindjen Sofia!!!” ishte mesazhi i thjeshtë që Manganiello i kushtoi aktores kolumbiane, duke habitur fansat.
Thashethemet se ata nuk jetojnë më bashkë janë shtuar teksa kanë nxjerrë në shitje pronën e tyre luksoze ku thuhet se kanë jetuar momentet më të mira, por edhe më të këqija të lidhjes së tyre. Ndonëse u hodh në shitje në maj, vetëm tani u bënë të ditura arsyet e mundshme të vendimit të tyre.
Me rastin e ditëlindjes së saj aktorja e talentuar Sofia ka zgjedhur që të kalojë kohë në një destinacion mjaft të zgjedhur, në Itali.
