Pas Sofia Vergara-s, tani është radha e Nicole Kidman që ndiqet nga thashethemet për divorc. Dy aktorët janë një nga çiftet më të çmuar të “Hollywood”-it, të cilët këtë vit festuan përvjetorin e 9-të të martesës së tyre.
Megjithatë, sipas spekulimeve të cilat kanë nisur të qarkullojnë së fundmi, martesa e Nicole Kidman dhe Keith Urban mund jetë drejt fundit pasi aktorja dhe këngëtari nuk janë parë së bashku në publik që prej 13 gushtit.
Revista “Woman’s Day” raporton se miq të afërm të çiftit mendojnë se Kidman dhe Urban janë drejt ndarjes. Burime pranë kësaj reviste shprehen: “Ende nuk e dimë nëse problemet kanë nisur së fundmi në martesën e tyre, por ata gjithmonë janë shprehur se urrejnë të jenë larg nga njëri-tjetri, por kohët e fundit kjo gjë nuk shihet më si problem në martesën e tyre”.
Megjithatë kjo nuk është hera e parë që çifti përflitet për ndarje, ndërkohë që janë shfaqur së bashku më pas të lumtur. Urojmë që dashuria e tyre të jetojë bashkë me to!
Burimi: Woman’s Day
