Jennifer Garner ka bërë kërkesën për t’u divorcuar nga bashkëshorti i saj Ben Affleck. Aktori ka dorëzuar gjithashtu të njëjtën përgjigje në të cilën përshkruhet si një ndarje miqësore e martesës 12-vjeçare.
Çifti përflitet se ka bërë këtë kërkesë pa praninë e një avokati dhe ata po përpiqen të gjejnë një mënyrë sa më të mirë ligjore për kujdesin e 3 fëmijëve të tyre.
Sipas “TMZ” dorëzimi i kërkesës është bërë në të njëjtën kohë nga të dyja palët, duke lënë të nënkuptohet se veprimi është biseduar më parë nga dyshja.
Jennifer dhe Ben bënë publike ndarjen e tyre në qershor të vitit 2015 dhe si arsye e ndarjes së tyre u përfol një flirt mes aktorit dhe dados së fëmijëve të tyre, Christine Ouzounian.
Burimi: TMZ
