Sipas statistikave, shumë çifte vendosin të ndahen dy javë përpara Krishtlindjeve, për t’u shpëtuar disa përgjegjësive të vogla.
Data 10 dhjetor është cilësuar si një ndër datat që njihet si data e ndarjeve dhe që lidhet kryesisht me ata persona që preferojnë ndarjen në vend të angazhimit me dhurata në fundvit, thotë Dr. Dorree Lynn.
Sipas Cosmopolitan, këta persona frikësohen sepse nuk duan t’i ushtrojnë presion personit tjetër, por nga ana tjetër nuk duan të ndihen si ‘budallenj’ duke dhuruar diçka pa marrë gjë në shkëmbim”.
Një situatë e ngjashme ndodh në Shtetet e Bashkuara të Amerikës përpara “Ditës së Falënderimeve”. Por nëse keni mjaftueshëm fat dhe ia dilni të mbijetoni të lidhur deri për Krishtlindje, pranvera me shumë gjasa do t’ju zërë lumturisht të dashuruar. Gjatë Krishtlindjeve nuk ndahen shumë çifte përfundimisht, por rritet frekuenca e ndarjeve për të arritur kulmin sërish në pranverë.
