Ylli i Hollivudit, Shia LaBeouf po kalon një romancë me këngëtaren britanike FKA Twigs, pas ndarjes nga partnerja e tij, Mia Goth.
“Daily Mail” shkruan se aktori dhe këngëtarja u takuan në setin e xhirimeve të filmit të ri të LaBeouf, “Honey Boy”. Ata u fotografuan bashkë për herë të parë dje, teksa po dilnin nga shtëpia e këngëtares në Londër, për të blerë ushqime në një dyqan aty afër.
32-vjeçari ishte veshur me pantallona të shkurtra dhe xhaketë ndërsa FKA Twigs dukej edhe më sportive me tuta gri.
Një burim i afërt me këngëtaren britanike Twigs, 30 vjeç, konfirmoi se ata janë bashkë dhe shumë të lumtur.
Miqtë thonë se ai është ndarë nga aktorja britanike Mia Goth, ndërsa fejesa e Twigs me aktorin e “Twilight” Robert Pattinson, mori fund vitin e kaluar.
LaBeouf, karriera e të cilit ka qenë e kërcënuar nga polemika dhe arrestimet në gjendje të dehur në publik, thuhet se ishte martuar me Goth dy vjet më parë në Las Vegas.
Ndërsa aktori pretendonte se ishin martuar ligjërisht, nëpunësi i gjykatës për shtetin e Nevadas tha se asnjë licencë martesore nuk ishte lëshuar në emër të çiftit.
Një mik i ngushtë i Goth bëri me dije se ishte aktorja 24-vjeçare britanike, që i kishte dhënë fund lidhjes me LaBeouf disa muaj më parë.
