Këngëtarja e njohur Ciara e ka pranuar se moskryerja e marrëdhënieve seksuale para martese ka qenë shumë e vështirë për të dhe bashkëshortin.
Para se Ciara dhe Russell Wilson të lidhnin kurorë, çifti mori një vendim për të hequr dorë nga marrëdhëniet seksuale, deri sa të thoshin “Pranoj”.
Zgjedhja e tyre është kritikuar por edhe është vlerësuar nga disa. Në një intervistë për Cozmopolitan, Ciara shprehet se beson në miqësi dhe ndërtimin e një marrëdhënieje të fortë që nuk ka pse të bazohet në seks.
“Unë me të vërtetë besoj se kur ti përqendrohesh në një miqësi, ke mundësi për të ndërtuar një themel të fortë në një marrëdhënie dhe sapo jeni miq të vërtetë ndani të njëjtat vlera apo opinion mbi jetën”, shprehet Ciara për revistën. “Duke ditur që ke gjithmonë miqësi dhe gjithmonë mund të kthehesh pas te ajo, shumë e rëndësishme dhe shumë e fuqishme.”
Ciara shpjegon se si vendimi për të mos kryer seks para martese erdhi pas një bisede me Russell në lidhje me pjesën intime të jetës. “Më duhet të vlerësoj burrin tim që ka këto pikëpamje,” shpjegon ajo. “Është e mahnitshme se si funksionoi gjithçka”.
Ciara ka një djalë me ish-të fejuarin reperin Future, ndërsa tani ajo dhe Rusell janë duke pritur fëmijën e tyre të parë së bashku.
