Aktori i “50 Hijet e Greit” Jamie Dornan do të bëhet baba për herë të tretë! Bashkëshortja e tij Amelia Warner është në pritje të ëmbël dhe deri më tani nuk është bërë e ditur gjinia e bebit.
Çifti britanik, që u martua në vitin 2013 në një ceremoni intime, janë prindër të dy vajzave, Dulcie, 5 vjeç dhe vogëlushes Elva, e cila është vetëm 2 vjeç.
Më herët, në një intervistë për “Ellen DeGeneres”, aktori i njohur theksoi se adhuron të jetë baba dhe se është gjëja më magjike që ka ndodhur në jetën e tij.
“Është brilante, është gjëja më magjike në botë! E dua shumë faktin të jem baba. Dua të mos heq dorë nga karriera ime, e duke qënë se jam baba i ri, kam mundësinë të kaloj kohë me fëmijët e mi duke i marrë kudo me vete.” – është shprehur aktori.
Të gjithë fansat e aktorit shfaqen shumë të emocionuar nga lajmi për bebin e tretë dhe nuk ngurojnë ta krahasojnë Jamien me Christian Grey-n, duke i vënë në dukje të gjitha ngjashmëritë mes tyre në lidhje me prindërimin.
