Miq të Chrissy Teigen kanë dhuruar gjak në nder të djalit që ajo nuk mundi të sillte në jetë, të cilin kishte menduar ta quante Jack. Modelja ka publikuar në Instagram disa foto të miqve të saj, të cilët janë bërë bashkë për të dhuruar 7 masa gjaku, që ishte e gjithë sasia që ju dha Chrissy kur ajo ishte shtatzënë me bebushin Jack.
Chrissy ka treguar se është prekur shumë nga ky gjest dhe nuk ka mundur të mbajë dot lotët.
“Ok, u përpoqa të shkruaja këtë 4 herë, por nuk mund të ndaloja së qari. Zemra ime është e mbushur me ngrohtësi dhe lumturi”, ka shkruar modelja përkrah videos, duke shtuar se ndihet e tejmbushur nga dashuria e miqve të saj. Miqtë e modeles dhanë gjak për të kompensuar mungesën e dhurimeve për shkak të pandemisë së koronavirusit.
Chrissy dhe bashkëshorti i saj, John legend, humbën tragjikisht fëmijën që prisnin të vinte në jetë, për shkak të një hemorragjie të modeles. Ndërkohë dje Teigen zbuloi se ka bërë tatuazh në dorë emrin që do i vendoste djalit, për ta pasur gjithmonë si kujtim me vete.
