Dasma e blogeres Chiara Ferragni dhe reperit Fedez, e cila është cilësuar si dasma mbretërore e Italisë, është mbajtur mbrëmjen e sotme me një ceremoni mbreslënëse në Noto të Siçilisë. Më në fund dyshja e njohur i kanë thënë “po” njëri-tjetri dhe janë shpallur burrë e grua.
Si një princeshë e vërtetë, me një fustan të dizenjuar nga Dior, Chiara pas puthjes së babait të saj, u nis drejt partnerit të saj, e buzëqeshur dhe plot hijeshi. Dhëndri e ka pritur Chiara-n tepër i lumtur dhe i entuziasmuar.
Një ceremoni e shoqëruar me lot dhe emocione të forta, por edhe me fjalë të ëmbla dhe premtime kuptim plota.
“Të premtoj që do të vij gjithmonë tek ti edhe nëse me vonesë”, është shprehur Fedez teksa ka pasur përballë gruan e tij.
Në këtë ceremoni natyrisht që nuk mungonte edhe bebushi i tyre, të cilin e mbante në krahë nëna e blogeres së njohur.
