Me robotët e frymëzuar nga grupi muzikor Daft Punk, kapelat dhe kabllot shumëngjyrëshe, “Chanel” përqafoi tërësisht teknologjinë dhe vitet ’90 për shfaqjen e tij Pranverë 2017. Nga yjet që u ulën në radhën e parë te detajet e koleksionit, këto janë 10 gjërat që duhet të dini nga pasarela e fundit e Karl Lagerfeld për Javën e Modës në Paris.
1.Ftesat e shfaqjes përfshinin dy “C” të ndërthurura të realizuara kabllo shumëngjyrëshe, duke iu përshtatur temës së teknologjisë së shfaqjes.
2.Për Pranverë 2017, shtëpia e modës e transformoi vendin e shfaqjes, “Grand Palais” në një Qendër të Dhënash të Chanel.
3.Vendi ishte realizuar nga mure me kabllo shumëngjyrëshe, duke bërë sfondin perfekt për pasarelën dhe të ftuarit.
4.Ambasadorja e “Chanel”, Lily Rose Depp, mori pjesë me paraqitjen e frymëzuar nga vitet ’80 dhe u ul në rradhën e parë pranë Usher.
5.Courtney Love dhe e bija Frances Bean Cobain ishin gjithashtu në radhën e parë së bashku.
6.Duke e marrë temën e #DataCenterChanel shumë seriozisht, dy robotët të veshur me kostum Chanel hapën shfaqjen.
7.Të gjitha modelet mbanin një kapele bejsbolli me ngjyra të ndryshme.
Për t’i kombinuar ato ka vetëm një model flokësh që mund t’ju shkojnë dhe kjo është: Bisht i kapur në një anë.
8.Chanta Chanel u inspirua nga teknologjia duke u përmirësuar me dritat LED.
9.Koleksioni ishte një përzierje shumëngjyrëshe e viteve ’80, ’90 dhe fiksimit tonë me teknologjinë ditët e sotme. Ndërsa veshjet ishin frymëzuar nga fuqia e kostumeve të viteve ’80 dhe ngjyrat e ndriçuara, aksesorët sillnin diçka më moderne, përfshirë syzet e diellit të mëdha dhe çantat me ndriçim.
10.Në shfaqje u dallua mungesa e Kendall Jenner, e cila ka sfiluar në çdo pasarelë të Chanel-it sezonet e fundit dhe finalja ku shfaqet duke shoqëruar Karl Lagerfeld. Ajo u largua nga Parisi për shkak të grabitjes së Kim, ndërsa Karl u shfaq për të pritur falënderimet i vetëm.
Burimi: Harper’s Bazaar/Vogue
