Vetëm përmes një fotografie mund të mësoni diçka për një person dhe shpesh ato thonë më shumë se fjalët.
Këngëtarja me origjinë shqiptare, Rita Ora, po rikthehet në qendër të vëmendjes dhe së fundmi po korr suksese të njëpasnjëshme si në industrinë e muzikës, ashtu dhe në atë të filmit.
Së shpejti Ritën do ta shohim si protagoniste në trilogjinë “50 Shades Darker” dhe ajo është shumë e emocionuar për këtë fakt. Ajo çfarë nuk dinim është se 25-vjeçarja Rita ka një marrëdhënie të ngushtë me aktoren kryesore të këtij filmi, Dakota Johnson, e cila para dy ditësh festoi ditëlindjen.
Të gjithë ndoshta u habitët kur patë një fotografi të vjetër të publikuar nga këngëtarja shqiptare me aktoren, që u bë e famshme me filmin “50 Shades of Grey”.
Ndërsa e uroi mikeshën e saj të ngushtë në “Instagram”, Rita e konsideron atë si “partnere në krim”. Ajo e falënderon atë për mbështetjen që i ka dhënë si në setin e xhirimeve ashtu edhe në jetën personale, kur Rita e bezdiste me telefonata në 5.00 të mëngjesit. Fundja të gjithë kemi një “partner në krim”!
*Shfleto galerinë
Burimi: Daily Mail
