9-12 maj
Startup Albania
Konkurs
Rrjeti i Informimit i BE-së në Shqipëri, “EUIN” dhe Agjencia Shqiptare e Zhvillimit të Investimeve, AIDA, në bashkëpunim me “Innovation HUB”, EU Policy Hub dhe Ministrinë e Arsimit dhe Shkencës shpallin Konkursin Kombëtar “Startup Albania 2017”.
Të rinj, studentë apo sipërmarrës të rinj që keni një ide inovative APLIKONI në Konkursin Kombëtar “Startup Albania 2017”
Dorëzoni projekt propozimin tuaj në adresën info@euin.al (1 mars – 10 prill, 2017).
Ne mbështesim idetë inovatore dhe sipërmarrësit e rinj! Mos e humb këtë mundësi! Bëhu pjesë e Startup Albania 2017!
Si të aplikoni në Konkursin Kombëtar “Startup Albania 2017”
Faza e parë: 1 mars – 15 prill, 2017
Dorëzoni projekt propozimin tuaj në adresat info@euin.al. Përshkruani idenë/biznesin tuaj, produktin, ekipin realizues dhe planin e biznesit në formularin e aplikimit.
Faza e dytë: 15 prill – 30 prill
Vlerësimi i projekt propozimeve. Përzgjedhja e kandidatëve të cilët do të ftohen të ndjekin sesionet e trajnimit (coaching sessions).
Sesionet e trajnimit: 20 prill – 30 prill, 2017
Përmirësimi i propozmit teknik dhe planit të biznesit përmes trajnimit të sipërmarrësve të rinj.
Prezantimi dhe ceremonia e ndarjes së çmimeve tëKonkursit Kombëtar “Startup Albania 2017” gjatë Javës së Evropës (6 -13 maj 2017).
Si mund të marr pjesë:
– Të rinj, studentë të moshës 18-35 vjeç që kanë një ide biznesi, si dhe organizata rinore, shoqëri civile, anëtarët e të cilës janë nën 35 vjeç.
– Sipërmarrës që drejtojnë një biznes i cili është rregjistruar në Qendrën Kombëtare të Regjistrimit prej një viti, por jo më shumë se 2 vjet.
Kërkesa:
– Idetë start-up duhet të jenë inovatore
– Nuk ka kufizime për tematikën e projektpropozimeve
– Sipërmarrjet ekzistuese që plotësojnë kriteret nuk duhet të kenë përfituar financime më parë
– Vendi kryesor i ushtrimit të aktivitetit duhet të jetë brenda territorit të Republikës së Shqipërisë.
9 maj
Festa e Evropës
Festa e Evropës – Projektim i dokumentarit “Evropa Para Evropës. Manifesti i Ventotene-s ”
Instituti Italian i Kulturës në Tiranë në bashkëpunim me Universitetin Europian në Tiranë, Universitetin e Shkodrës “L. Gurakuqi”, Universitetin e Vlorës “I. Qemali”, Zyrën EUIC në Shkodër dhe Vlorë dhe Konsullatën e Përgjithshme Italiane në Vlorë, me rastin e Festës së Evropës dhe të përvjetorit të 60˚ të firmosjes së Traktateve të Romës organizon projektimin e dokumentarit Evropa Para Evropës.
Manifesti i Ventotenes në qytete të ndryshme të Shqipërisë në prani të regjizorit Salvatore Braca. Takimi i parë do të jetë më 9 maggio 2017 në orën 11 pranë Universitetit Evropian në Tiranë. Projektimi do të pasohet nga një forum diskutimi ku do të marrin pjesë, përveç regjizorit Salvatore Braca edhe Ardian Civici, President i Universitetit Europian, Alberto Cutillo, Ambasadori i Italisë, Loredana Cornero, Sekretare e Përgjithshëm e Komunitetit radioteleviziv italofon.
Më 10 maj 2017 ora 11 do të projektohet dokumentari pranë Bibliotekës së Universitetit Luigj Gurakuqi në Shkodër. Takimi i fundit në kalendar do të jetë më 11 maj 2017 në orën 11 pranë Konsullatës së Përgjithshme Italiane në Vlorë në bashkëpunim me Universitetin Ismail Qemali në Vlorë. Një fund të projektimit do të ekspozohet një pjesë e ekspozitës udhëtuese “Ever Closer Union”, e kuruar nga Arkivat Historikë të Bashkimit Evropian dhe nga Instituti Universitar Europian dhe i promovuar nga Ambasada Italiane në Tiranë I ambientuar gjatë Luftës së Dytë Botërore në Ventotene, një ishull i vogël i Terrenio-s, Evropa Para Evropësë.
Manifesti i Ventotenes, dokumentar historik i 2015 me regji të Salvatore Braca, tregon historinë e Altiero Spinelli, Ernesto Rossi dhe Eugenio Colorni që mendojnë një të ardhme ndryshe, paqeje dhe bashkëpunim midis popujve. Kështu lindi Manifesti i Ventotenes: projekti për një Evropë të lirë dhe të bashkuar. Me ta ishte dhe një grua, Ursula Hirschmann, gruaja e Colorni-t e cila fshehu dorëshkrimin në astarin e një palltoje për t’a çuar atë në Romë, ku do të shtypej. Në ’70 Spinelli u zgjodh Komisioneri Evropian për Politikat industriale dhe në ’76 ai u zgjodh deputet në Parlamentin italian si i pavarur në listat e PKI dhe, disa muaj më vonë, hyri në Parlamentin Evropian. Vetë Braca tregon se “Evropa Para Evropës është frymëzuar nga forca e brendshme e autorëve të Manifestit të Ventotenes, të aftë të gjenerojnë një ide të madhe në një ishull të vogël të rrethuar nga deti dhe telat me gjemba.”
Regjizori vë në dukje se “qëllimi i këtij filmi dokumentar është të hedhë dritë mbi ngjarjet, e njohura dhe më pak të njohura që, nga gjeneza e Manifestit shoqërojnë historinë e Evropës deri në ditë tona. […] Subjekti, duke ndjekur rigorozitetin historik të ngjarjeve dhe i mbështetur nga imazhe spektakolare arkivi, zhvillohet përmes dëshmive të drejtpërdrejta të banorëve të ishullit që kanë jetuar izolimin dhe të miqve, të afërmve, të njohurve të personave të izoluar që me ta kanë ndarë betejat politike, idealet dhe shpresat. […] Përveç imazheve historike që do të përbëjnë të paktën 20% të tregimit, shumë pamje “janë” realizuar pikërisht në Ventotene, ishulli i vogël i kufizuar i cili ka luajtur një rol kryesor në ndërtimin e idesë së Evropës”.
10 maj
Tirana International Documentary Film Festival
Amfiteatri i liqenit
Tirana Film Institute do të zhvillojë edicionin e tretë të DocuTIFF 2017 në Tiranë nga data 10–17 maj në sallat Black Box të Universitetit të Arteve, salla UNESCO e Muzeut Historik Kombëtar dhe Open Air te Teatri Veror në kodrat e Liqenit.
DocuTIFF ka për qëllim të inkurajojë prodhimin e filmit dokumentar në Shqipëri dhe për t’iu dhënë më shumë shanse kineastëve shqiptarë për të gjetur bashkëpunim dhe duke bërë të mundur kontakte reciproke me kolegët e tyre në rajonin tonë dhe më gjerë.
