23 tetor-10 nëntor
Ekspozitë
Galeria FAB ju fton në përurimin e sezonit të ri të aktiviteteve për vitin akademik 2017-2018 me ekspozitën e nëntë personale të skulptorit Arben Bajo. Kuruar nga Ardian Kapo.
24 tetor
Ekspozitë
Rosemarie Trockel
Vizatime, objekte dhe video të përzgjedhura
Ekspozita do të qëndrojë e hapur deri më 03.12.2017
Hapja, 24.10.2017, ora 18:00, Galeria Kombëtare e Arteve në Tiranë
Hyrja e lirë!
Gjermanja Rosemarie Trockel vlerësohet si një nga artistet më të famshme bashkëkohore, e cila e shpreh vështrimin e saj krejtësisht vetjak për botën me anë të objekteve, skulpturave dhe instalacioneve.
Me ekspozitën e Institutit për Marrëdhëniet me Jashtë (ifa) „Rosemarie Trockel“, Ambasada Gjermane dhe Galeria Kombëtare e Arteve i mundësojnë publikut shqiptar për herë të parë një udhëtim eksplorues në veprat e kësaj artisteje shumëdimensionale: duke nisur nga vizatimet, fotografitë, tablotë e famshme me thurje e deri tek „Malmaschine“ dhe video-instalacionet.
Skena artistike, e dominuar për kohë të gjatë nga meshkujt, e ka nxitur Rosemarie Trockel-in qysh herët për kundërvënie ndaj saj. Ajo vazhdimisht formulon pozicione kundërshtie dhe pasqyron pikëpamjen e saj si një përfaqësuese e botës së theksuar artistike femërore, dhe nuk kursehet as me kritika parimore ndaj sistemit ekzistues artistik.
25 tetor
Koncert
Koncert: Pianoja që këndon
Një koncert bisedë mbi artin vokal në literaturën pianistike
E mërkurë, 25.10., ora 19:00, Salla e madhe e Ambasadës Gjermane
Pak para përfundimit të turneut koncertal në pesë shtete dhe 15 qytete të Evropës Juglindore, pianisti dhe dirigjenti Desar Sulejmani do të ketë një ndalesë të shkurtër në Tiranë më 25 tetor 2017. Ai do të prezantojë në këtë koncert një program të veçantë tematik, më saktë pjesë dhe përshtatje virtuoze të romancave dhe arieve të njohura vokale për piano. Ky koncert-bisedë do të mundësojë përqasje interesante ndaj asaj literature të gjerë pianistike, e cila i ka patur fillimet e saj që në shek. XVII.
Në përfundim të aktivitetit pjesëmarrësit janë të ftuar për një kokteil.
E rëndësishme: Nisur nga numri i kufizuar i vendeve në sallë, lutemi për rezervimin tuaj në adresën ku-s1@tira.auswaertiges-amt.de
