Ekspozita MIXOLOGY
Qendra Kulturore Ditart, Rruga “Mustafa Lleshi”, Tiranë.
Hyrja është falas
20 / 22 gusht, 2016, ora 18:00 / 21:00.
Artisti shqiptar Dritan Mardodaj dhe artistja zvicerane Tanja Laeri, kanë bashkëpunuar së bashku për të ekspozuar disa prej punimeve të tyre në Qendrën Kulturore Komunitare dhe Ndërkombëtare Ditart, në Tiranë. Që të dy artistët në punimet e tyre kanë gjetur interes për tema historike dhe politike, dhe në punimet e tyre ka një lloj paralelizmi, si ready/made i Dritan Mardodaj “Leadership, no more communism please”, (Udhëheqje, jo më komunism të lutem), dhe “Red toilet”, “ËC e kuqe” e Tanja Laerit, janë vepra me qëndrim të ngjashëm ndaj komunizmit, dhe janë shprehi kapriçoze kundrejt regjimeve dikatoriale. Titulli i ekspozitës “Mixology” përfaqëson larminë e subjekteve dhe të mediumeve të ndryshme me të cilat ata punojnë. Në këtë ekspozitë dyshe, Mardodaj ekspozon disa nga fotografitë dhe ready/madet e tij, ndërsa Laeri disa prej tablove të saj, dhe gjithashtu do të jetë e pranishme duke pikturuar, punë të cilat janë pjesë e projektit rezidencial me Ekphrasis Studio. Ekspozita “Mixology” do të mbahet në Qendrën Kulturore Ditart, Rruga Mustafa Lleshi nr.41, Tiranë, Shqipëri. Hyrja është falas. 20 / 22 gusht, 2016, 18:00 / 21:00.
Ekspozitë vetjake e piktorit Alkan Nallbani
Kohëzgjatja e ekspozitës: 19 gusht – 4 shtator 2016
Si pjesë e sezonit 2016, në Galerinë Kombëtare të Arteve, “Alkan Nallbani Eksploratoret” do të hapet më 19 gusht, ora 19:00, duke prezantuar 90 piktura, vizatime dhe gravura. Këto punë së bashku zbulojnë eksperienca të universit njerëzor, te mbrujtura nga përvojat e Nallbanit në Evropë dhe Shtetet e Bashkuara, si pjesë e asaj plejade te artisteve te rinj shqiptare qe lanë atdheun ne fillimet e viteve 90 .
Mbushur me optimizëm, arti i Nallbani lëviz nga fillimet me ndikime ekspresioniste, duke pasuar ne një kërkim më shumë personal te viteve te fundit, ne te cilin ai përzgjedh momente të thjeshta të jetës së përditshme, për t’i përdorur si një mjet përgjithësues mbi temat universale të ekzistencës tone .
Alkan Nallbani ka lindur në 1971, Berat, Shqipëri. Ai u diplomua në Akademinë e Arteve të Bukura në Tiranë dhe vazhdoi studimet e në Akademinë e Arteve të Bukura në Firence, Itali e me pas në Kolegjin Corcoran e Artit dhe Dizajnit, SHBA. Ai jeton dhe punon në Neë York dhe Firence. Puna e tij ka qenë i përfshirë në Bienalen Amerikane të Arteve Grafike në vitin 2010 dhe në Bienalen e Pragës në vitin 2009.
Tiranë, Galeria Kombëtare e Arteve
Ditari i një hapësirë. Ekspozitë
“Ditar i një hapësire” më shumë se sa një ekspozitë është udhëtim në kohë në hapësirën e quajtur Shqipëri. E çelur në Galerinë Kombëtare të Arteve, ekspozita e organizuar nga Ministria e Zhvillimit Urban dhe Agjencia Kombëtare e Planifikimit të Territorit është një këndvështrim mbi planifikimin në tokën shqiptare duke nisur nga viti 500 p.e.s deri në vizionin për 15 vitet e ardhshme.
Ekspozita zë fill si një prezantim disa mujor i vizionit Shqipëria 2030: Plani i Përgjithshëm Kombëtar, Plani i Integruar Ndërsektorial për Bregdetin dhe Zonën Ekonomike Tiranë-Durrës. Por nuk mbeti aty. U zhvillua shumë më tepër dhe mori formën e një vendi ku rrëfehet për Shqipërinë, formimin e vendbanimeve të saj, thesaret që ajo mbart dhe për të cilat duhet të bëhemi të vetëdijshëm; ku rrëfehet për dëmet që i kemi shkaktuar territorit, por edhe për potencialet e tokës sonë.
Një udhëtim në kohë e në hapësirë, si një ditar ku është shkruar historia e territorit, ku flitet për të tashmen e projektohet vizioni i së ardhmes.
