Caitlyn Jenner, ish-bashkëshorti i Kriss Jenner i cili u transformua në grua disa vite më parë, ka treguar se nuk flet më me ish-gruan.
“Nuk flasim më kurrë, në të vërtetë. Dhe kur duhet të kemi ndonjë komunikim, menaxheri im flet me të”, u shpreh ajo.
Caitlyn kujton takimin e saj të parë me Kris, duke thënë: “Isha beqar për gjashtë vjet dhe me të vërtetë po luftoja me veten dhe me faktin se kush isha dhe se si përshtatesha me botën. Isha gati 40-vjeç kur takova Kris. Në ramë në dashuri që herën e parë që u takuam. Isha totalisht i impresionuar nga ajo dhe nga mënyra se si e jetonte jetën. Ajo kishte katër fëmijë edhe unë kisha katër gjithashtu. U martuam 5 muaj më pas. Ishte shumë e shpejtë”.
Caitlyn ishte e martuar me Kris për 22 vjet nga 1991 deri në 2015 (kur Caitlyn ishte ish-atleti olimpik Bruce Jenner, përpara se Caitlyn të dilte si trans në 2015). Ata kishin dy fëmijë së bashku: Kylie-n dhe Kendall përpara se të divorcoheshin.
Ata janë ndarë që nga viti 2013. Në atë kohë, ata dhanë një deklaratë të përbashkët. “Ne jetojmë të ndarë dhe jemi shumë më të lumtur në këtë mënyrë, por gjithmonë do të kemi shumë dashuri dhe respekt për njëri-tjetrin”, thuhej në deklaratën e tyre në atë kohë. “Edhe pse jemi ndarë, ne do të mbetemi gjithmonë miqtë më të mirë dhe, si gjithmonë, familja jonë do të mbetet prioriteti ynë numër një”.
