Rusia ka bllokuar “Twitter”-in dhe ka kërcënuar të bëjë të njëjtën gjë me “Facebook”-un pas një ‘përplasjeje’ për “censurë”.
Rregullatori rus i komunikimit “Roskomnadzor” akuzoi “Facebook”-un për shkeljen e “të drejtave dhe lirive të qytetarëve rusë”.
“Facebook” tha se kishte refuzuar të ndalonte kontrollimin e fakteve dhe etiketimin e përmbajtjes nga organizatat shtetërore të lajmeve.
Vëzhguesit e lidhjes së internetit në “NetBlocks” thonë se ka një kufizim total të “Twitter”-it në Rusi. “NetBlocks” thotë se “Facebook” dhe “Instagram” duket se funksionojnë normalisht, por shërbimet e “Twitter”-it filluan të ndërpriten të shtunën në mëngjes.
Drejtori i “NetBlocks”, Alp Toker, i tha “BBC”-së:
“Kufizimi i ‘Twitter’-it nga Rusia do të ndikojë ndjeshëm në rrjedhën e lirë të informacionit në një kohë krize kur publiku duhet të qëndrojë i informuar.”
“Twitter”-i nuk i është përgjigjur kërkesave për koment dhe “Roskomnadzor” nuk ka njoftuar veprime kundër “Twitter”-it.
Rregullatori rus kishte kërkuar që “Facebook” të hiqte kufizimet që vendosi të enjten në agjencinë shtetërore të lajmeve “RIA”, kanalin televiziv shtetëror “Zvezda” dhe faqet e lajmeve pro-Kremlinit, “Lenta.Ru” dhe “Gazeta.Ru”.
Aty thuhej se Meta i kishte injoruar këto kërkesa.
Sir Nick Clegg, nënkryetar i çështjeve globale në Meta, tha se autoritetet ruse “na urdhëruan të ndalonim kontrollin e pavarur të fakteve dhe etiketimin” e përmbajtjes së mediave.
“Ne refuzuam,” tha ai.
Por ai e bëri të qartë se donte që rusët të vazhdonin të përdornin platformat e Meta-s.
“Rusët e zakonshëm po përdorin aplikacionet tona për t’u shprehur dhe organizuar për veprim“, tha Sir Nick, dhe kompania dëshiron që “ata të vazhdojnë të bëjnë zërin e tyre të dëgjohet”.
Shumë media shtetërore në Rusi kanë pikturuar një pamje kryesisht pozitive të përparimeve ushtarake ruse në Ukrainë, duke e quajtur pushtimin një “operacion ushtarak special” që ishte detyruar në Moskë.
Të enjten Meta tha se kishte ngritur një “qendër të posaçme operacionale” për të monitoruar përmbajtjen në lidhje me konfliktin në Ukrainë.
