Ndahet një tjetër çift në showbizin botëror. Cher dhe Alexander ‘AE’ Edwards i kanë dhënë fund lidhjes së tyre, pas më shumë se gjashtë muajsh lidhje. Këngëtarja dhe aktorja 76-vjeçare (e lindur me emrin origjinal Cherilyn Sarkisian) dhe 37-vjeçari u ndanë disa javë më parë, sipas TMZ.
Nuk është e qartë se kush e donte ndarjen, por burimet zbuluan se çifti nuk kishte ndërmarrë hapin e madh, atë të fejesës.
Më parë këngëtarja ndau me ndjekësit një unazë masive diamanti që i ishte dhuruar nga Edwards për Krishtlindje, duke çuar në spekulime se ai i propozoi asaj. Burimet pohojnë se ata kurrë nuk ishin fejuar dhe vendosën të “vinin fansat në lojë me spekulimet se ishte një unazë fejese”.
Cher nuk ka komentuar publikisht për ndarjen dhe nuk ka qenë aktive në Twitter apo Instagram që nga marsi. Ata thuhet se u takuan për herë të parë në Javën e Modës në Paris në fund të shtatorit 2022, por u fotografuan për herë të parë së bashku në fillim të nëntorit 2022.
