Banorët e Santorinit janë paralajmëruar për shkak të aktivitetit intensiv sizmik të vërejtur orët e fundit rreth ishullit. Banorët po informohen se për shkak të rrëshqitjeve të tokës ndalohet hyrja në tre zona të ishullit.
“Njoftim urgjent/ Ministria e Krizave Klimatike dhe Mbrojtjes Civile 25/12/25 ora 12:00 Rrezik nga rrëshqitja e dheut për shkak të aktivitetit sizmik. Qasja në zonat e Ammoudi, Armeni dhe Porti i Vjetër i Firës në ishullin Thira është i ndaluar. Ndiqni udhëzimet e Autoriteteve”.
Dridhjet sizmike janë të vazhdueshme në zonën detare midis Santorinit dhe Amorgos. Brenda pak minutash, nga ora 09:36 deri në 10:26, u regjistruan pesë lëkundje sizmike me magnitudë mbi 4 ballë, më e madhja në orën 10:26 me magnitudë 4.7 të shkallës Rihter dhe me epiqendër 20 kilometra në jugperëndim të Arkesinit, Amorgos.
Gjatë natës janë regjistruar edhe dhjetëra lëkundje sizmike, ndër të cilat më e rëndësishmja ka ndodhur në orën 01:54, me magnitudë 4.4 ballë të shkallës Rihter, me qendër në zonën detare 23 kilometra në jugperëndim të Arkesinit, Amorgos.
“Paralajmërim” për vullkanin e Santorinit – “Nuk përjashtohet një shpërthim i vogël”
Profesori i fatkeqësive natyrore, Konstantinos Synolakis, shprehu shqetësimin e tij për vullkanin e Santorinit ndërkohë që sekuenca sizmike në ishull vazhdon. “Nuk përjashtohet një shpërthim i vogël pasi magma del në sipërfaqe”, theksoi ai.
Duke shpjeguar se si krijohen tërmetet dhe duke përshkruar se çfarë mund të ndodhë me vullkanin, Synolakis pyet veten: “Çështja jonë është si vijon, për të cilën nuk ka përgjigje të lehtë. A do të arrijë magma, siç ndodhi në vitin 2011 kur doli në sipërfaqe, në atë pikë ku do të dalë dhe do të shpërthejë, apo do të ndalet? Në vitin 2011, aktiviteti sizmik zgjati rreth një vit. Kjo, e tanishmja, duket të jetë më intensive në aktivitet sesa atëherë”.
