Dita e dashurisë e ka ëmbëlsuar situatën në “Për’puthen Prime”. Këtë të diel, një rikthim i të vjetërve dhe i të ikurve nga emisioni ka ndodhur në studio duke sjellë kështu disa nga personazhet më të përfolur. Të pranishëm janë Shqipja, Fjorela, Fationi, Graciano, Ana e parë, për të vijuar me Gerin, Inën, Antonetën dhe Enon.
Ish-konkurrentët kanë treguar detaje të shumta rreth jetës jashtë formatit, si dhe kanë diskutuar në lidhje me përjetimet e tyre.
E gjendur përballë Shqipes, në debat e sipër, Ina deklaroi se “Për’puthen” 1 gjendej në një nivel më të lartë se “Për’puthen”-i i tanishëm.
“Ishim më me edukatë, nuk kemi degraduar në debate, zënka”, deklaroi ajo.
Nga ana e tij, opinionisti Arjan Konomi deklaroi se që të dyja, si “Për’puthen” 1 edhe 2 ishin interesante, por totalisht dy gjëra të kundërta.
“Eshtë sikur të krahasosh një film me një serial. Pavarësisht se mund të kenë të njëtën autore, të njëtin koncept, ndryshojnë shumë nga njëra-tjetra”, u shpreh ai.
Ky Shën Valentin i ka gjetur të gjithë të lartpërmendurit single, me përjashtim të Fjorelës. Kjo e fundit u largua nga emision për shkak se e gjeti dashurinë larg formatit. Përpos ish-konkurrentëve, kjo puntatë solli edhe një pjesëtare tjetër të opinionistëve, gazetaren Jonida Aliçkolli.
