I ftuar në “Artkand” ish-banori i “BBV”, Kristi ka folur për pasionin e tij, pikturën, por jo vetëm.
I pyetur në lidhje me Keisin, këngëtaren më të cilën pati dhe një raport të afërt brenda shtëpisë, ai tha se tashmë nuk kanë asnjë kontakt me njëri-tjetrin.
“Portreti që i bëra Keisit, më doli shumë nga shpirti dhe ishte reflektim i situatës aty brenda, se si e shihja unë Keisin. Tani nuk kam fare komunikim me të”, tha Kristi.
Kujtojmë që Kristi dhe Keisi përjetuan një romancë të shkurtër në “BBV”. Por, teksa gjërat priteshin të shkonin mirë me daljen e Sabianit, Keisi njoftoi se nuk donte të vazhdonte më me Kristin. Në rrjet u përfol se tek ky vendim ndikoi edhe hyrja e Lorenc Hasramës ish-it të Keisit.
