Vetëm sepse Khloe Kardashian vendosi që të qëndrojë në Cleverland me vajzën e saj për momentin, nuk do të thotë që marrëdhënia e saj me Tristan Thompson shkon për mrekulli.
Sipas burimeve për “People”, Khloe po jeton në shtëpinë e të dashurit bashkë me vajzën, por Tristan nuk po qëndron aty.
Basketbollisti shkon shpesh për të vizituar vajzën e tij True, por ai dhe Khloe kanë shumë pak kontakt me njëri-tjetrin.
Nga ana tjetër, Khloe po mbështetet shumë te motrat e saj për fazën e re që po kalon: atë më mëmësisë.
“Është inkurajuese të di që kam motra, të cilave mund t’u kërkoj çdo gjë që kam nevojë”, shkruan 33-vjeçarja në një postim të titulluar “Pse motrat e mia janë mentorët e mëmësisë” në faqen e saj.
“Motrat e mia janë të gjitha nëna fenomenale! Nuk mund të them saktësisht se çfarë këshille apo aftësish do të marr prej tyre, por unë do të mbetem e frymëzuar nga mënyra se si ato i përballojnë të gjitha.
Tristan u fotografua dhe u filmua vetëm pak ditë para se të bëhej baba, duke shkuar në hotel me një striptiste.
Burimi: Cosmopolitan
