Pasi “bojkotoi” “Met Gala” duke e lënë bashkëshorten e tij të parakalojë e vetme në tapetin e kuq, lidhur me fotot pa “photoshop” të Kim Kardashian, tashmë Kanye West ka marrë masa të tjera ndaj botës online.
Mendohet se reperi është izoluar nga bota e jashtme edhe nga ajo virtuale. Duke filluar nga e shtuna të gjitha adresat dhe rrjetet e tij sociale kanë dalë të padisponueshme. “Twitter”, “Instagram”, “Snapchat” dhe “Facebook” nuk do të mbajnë më emrin Kanye West, duke lënë mijëra fansa të zhgënjyer.
Kanye kishte muaj që nuk ishte aktiv në këto rrjete sociale dhe mos përditësimi i tyre çoi në fshirjen e të gjitha llogarive të tij. Tashmë ai “shpallet” i zhdukur virtualisht!
Ndoshta reperi sapo bëri hapin e duhur, pasi ka kuptuar ndikimin negativ që kanë rrjetet sociale në jetën e secilit prej nesh!
