Mbrëmjen e kaluar u rikthye në vëmendjen e “Për’puthen Prime” situata aspak e zakontë e Erit dhe Dorit, dy djemtë të cilët u bënë pjesë e një sherri së bashku. Gjithçka nisi menjëherë gjatë hyrjes së Dorit në emision, teksa ai u prit jo shumë ngrohtë nga konkurrentët e “Për’puthen”. Dy djemtë u kapën fillimisht me fjalë dhe jashtë studios situata precipitoi në dhunë fizike, ndërsa pamjet u publikuan mbrëmë në emision.
Për këtë arsye produksioni i “Për’puthen” mori një vendim drastik ndaj dy djemve. Si Eri, po ashtu edhe Dori, që kishte vetëm një ditë pjesë e programit, u përjashtuan përfundimisht nga “Për’puthen”. Ndërkohë pas këtij vendimi, Eri hodhi një thumb në rrjete sociale, për të cilin u pendua më vonë.
“Ikën macja, pogonishten fillon miu”, shkroi ai në një postim, të cilin e fshiu më vonë.
Ndërkohë së fundmi ai është shfaqur në shoqërinë e njërës prej vajzave të “Për’puthen”, Sarën, e cila mbrëmjen e djeshme mungoi në “Për’puthen Prime”. Vetë Sara ka postuar në Instagram një video përkrah Erit, ndëkohë që i thotë të tregojë tatuazhet. Ata të dy shfaqen shumë të afërt me njëri-tjetrin dhe kështu kanë lindur dyshimet nga publiku se mos ndoshta mes tyre po lind diçka.
Ndërkohë Sara ka hequr nga profili i saj në Instagram, “Për’puthen” dhe kanë nisur aludimet se edhe ajo mund ta ketë lënë përgjithmonë programin. Edhe sot ajo nuk ishte e pranishme në emision, gjë që i përforcon akoma më shumë dyshimet. Megjithatë pritet që gjithçka të sqarohet ditët në vijim.
