Ledri Vula dhe Mozzik janë padiskutim dy ndër reperët më në zë të momentit. Së fundmi, burime për “Prive” bëjnë me dije se ata do të sjellin shumë shpejt bashkëpunimin e tyre më të ri.
Thuhet se dy reperët e kanë përfunduar këngën e tyre dhe tashmë pritet që vetëm të publikohet.
Se si do të quhet projekti i tyre, ende nuk dimë gjë.
Gramoz Aliu ose siç e njihni të gjithë Mozzik, së fundmi iu ka hapur një dritare fansave në Instagramin e tij, për ta pyetur atë për çdo gjë.
Të shumtë kanë qenë komentuesit të cilët janë kuriozë për gjera të ndryshme nga jeta e reperit.
Bazuar edhe në këngën e tij të fundit “Të dua”, ku Mozzik përcolli shumë emocione, një ndjekës e ka pyetur artistin: “ Mozzi shumë i thyer këto kohë, pse?”Përgjigjja e reperit ka qenë e shkurtër dhe me një kuptim të thellë: “Po jetoj,”- shkroi Mozzik.
Siç e dini, Gramoz Aliu është babai i një vajze Hanës, të cilën e ka me Loredana Zefin. Dyshja janë ndarë prej kohësh, teksa reperja në pothuajse gjithë intervistat e fundit është shprehur se ka dëshirë të bëhet nënë sërish.
Mesa duket të njëjtën dëshirë ndan edhe Mozzik, i cili i pyetur në intervistën virtuale nga një fans a e mendon veten prap me u bërë baba është shprehur: “Po more.”
