Dashi: Dash i dashur, ju paralajmëruam javën e kaluar, por tani kjo këshillë është edhe më e vlefshme: ruani qetësinë, mos bini në tundimin për të vazhduar me polemikat, debatet, inatet, planet e hakmarrjes. Dy yjet më të fuqishëm po bëjnë të pamundurën për t’ju nervozuar dhe dihet tashmë që ju e humbni lehtë toruan. Kjo do t’ju shërbejë si një provë maturie, që duam të besojmë se do ta kaloni me sukses.
Demi: Të dashur Dema, kjo do të jetë një javë e shkëlqyer për ju në aspektin profesional, ku do të mund të tregoni aftësitë tuaja. Yjet e horoskopit të javës së ardhshme ju shohin të vendosur, të gatshëm për t’u përballur me shefat, klientët, kolegët apo bashkëpunëtorët tuaj, duke u shfaqur karizmatikë dhe me iniciativë. Vazhdoni pra të sigurt në rrugën tuaj.
Binjakët: Të dashur Binjakë, lajme të mrekullueshme për ju nga ky horoskop për javën nga 25 shtatori deri më 1 tetor. Fuqia e Diellit dhe Marsit miqësor ju japin një shtysë që nuk e keni pasur për një kohë të gjatë. Ndiheni sikur pas një periudhe të pafundme situatash ngërçi, më në fund starti për garën tuaj ka nisur. Tani ju mbetet vetëm të shpejtoni drejt vijës së finishit.
Gaforrja: Të dashura Gaforre, bëni kujdes, sepse shumë re po shfaqen në qiellin tuaj, sidomos në sferën e marrëdhënieve familjare me prindërit, fëmijët, vëllezërit e motrat. Tensioni sa vjen e shtohet, sidomos në lidhje me gjërat e pathëna. Prandaj bëni çmos që të ndihet zëri juaj, por edhe t’i dëgjoni të tjerët. Duket se shumë gjëra kanë mbetur pa u sqaruar dhe ndoshta jeni ju të parët që nuk doni të dëgjoni.
Luani: Të dashur Luanë, java në vijim ju gjen në gjendje shumë të mirë. Venusi ju sjell mbarësi në çështjet sentimentale. Periudhës së gjatë të tranzicionit i ka ardhur fundi dhe tani mund të thelloni një marrëdhënie që keni nisur apo të merrni një vendim të rëndësishëm që ka të bëjë me fillimin e një bashkëjetese, celebrimin e një martese apo ndoshta bërjen e një fëmije. E sigurt është se kjo qetësi e re emocionale ju sjell emocione pozitive dhe ju bën të ndiheni fatlumë. Duhet vetëm ta shijoni atë.
Virgjëresha: Të dashura Virgjëresha, sezoni juaj i ditëlindjes ka kaluar, por siç ndodh gjithmonë, shumë dhurata të kësaj periudhe nuk janë hapur ende. Kjo është një mënyrë për të thënë se çfarë keni mbjellë do të korrni. Puna juaj e palodhur më në fund do të shpërblehet dhe situatat e reja që do të krijohen rastësisht tani do të bëhen shumë më premtuese.
Peshorja: Të dashura Peshore, pikësëpari urimet më të mira vijnë për ju. Stina juaj e ditëlindjes më në fund ka ardhur, Dielli shkëlqen shumë fuqishëm në shenjën tuaj dhe së bashku me zjarrin e Marsit ju jep forcë, vendosmëri dhe gjithashtu ambicie për aspirata të mëdha. Kjo javë do të nisë në mënyrë të jashtëzakonshme, nga e hëna në të mërkurë do të keni mbështetjen e yjeve për çdo ide, iniciativë dhe ndërmarrje tuajën. Veproni!
Akrepi: Të dashur Akrepa, horoskopi për javën nga 25 shtatori deri më 1 tetor ju sheh të vendosur në prapavijë, në një pozicion të përsosur për të vëzhguar atë që po ndodh rreth jush, pa tërhequr vëmendjen. Kjo do të thotë që po mendoni të zhvilloni një strategji për të arritur një qëllim që i keni vënë vetes, por që po ju mundon prej njëfarë kohe. Ju me siguri do të gjeni rrugën tuaj, duke përdorur dinakërinë tuaj të pazakontë.
Shigjetari: Të dashur Shigjetarë, në qiellin tuaj ka konfuzion, që vazhdon prej disa kohësh tashmë. Edhe horoskopi i javës në vijim e konfirmon praninë e kësaj mjegulle që ju ka pështjelluar dhe që nuk po ju lejon as të shijoni sukseset tuaja. Ju duhet të rifitoni kthjelltësinë, të gjeni pikën tuaj të orientimit dhe më pas të veproni në përputhje me rrethanat. Ndonjëherë është më e udhës që të ndaloni, në mënyrë që më pas t’ia nisni nga e para. Gjejeni ju mënyrën si duhet të veproni, por duhet t’i keni idetë të qarta.
Bricjapi: Të dashur Bricjapë, ka pak nervozizëm në mjedisin që ju rrethon. Diçka nuk po shkon si duhet, sidomos në marrëdhëniet romantike dhe familjare. Gjëja m ë e mirë për t’u bërë në këto raste është të përballeni drejtpërdrejt me situata të caktuara, pa i shtyrë për më vonë apo duke i injoruar ato për të jetuar në paqe, përndryshe rrezikoni që ato të përkeqësohen apo të bëhen tërkuzë. Merreni në dorë situatën dhe jepuni zgjidhje gjërave.
Ujori: Të dashur Ujorë, pas një periudhe të gjatë pengesash, ndërlikimesh dhe sfidash për të kapërcyer, horoskopi i javës në vijim ju premton ditë në të cilat do të gjeni sërish vrullin, forcën, entuziazmin dhe shpirtin e sipërmarrjes. Bëni gjithçka keni në dorë, veçanërisht në ditët e para të javës, ku Dielli, Hëna dhe Marsi do të vëzhgojnë iniciativat tuaja, një treshe që ju jep forcë dhe intuitën e duhur, cilësi këto që duhen shfrytëzuar sa më shumë. Pas një pushimi të gjatë të detyruar nga rrethanat, është koha që më në fund të riktheheni në rrugën e duhur.
Peshqit: Të dashur Peshq, yjet ju shohin duke lundruar me qetësi në ujërat e qeta të jetës së përditshme. Mund të hasni disa vështirësi në marrëdhënien tuaj në çift në ditët në vijim, por absolutisht asgjë për t’u shqetësuar. Në raste mosmarrëveshjesh të vogla, përdorni qasjen tuaj filozofike, sepse asgjë nuk zgjat përjetësisht, si për ju që po e pësoni në kurriz edhe për ata që janë shkaktarët e problemeve.
