Kjo foto mund të duket normale, por kuptimi që fshihet pas saj mund t’ju japë një mësim për situatën e ngjashme. Të gjithë në një dasmë mundohen që të ruajnë me aparatet fotografike apo telefonat e tyre çaste nga momentet më të bukura.
Por mesa duket, sipas fotografit të dasmave Thomas Stewart, në fakt ata përfundojnë duke i prishur këto momente. Një postim i tij në “Facebook” ka bërë menjëherë xhiron e rrjeteve sociale, duke u shprehur i irrituar se dixhitalizimi pushtoi ceremoninë e martesës dhe kjo nuk është diçka e bukur.
“Në rregull, mjaft më. Dua t’ju flas të gjithëve ju për të ftuarit që përdorin celularë/ kamera në dasma. Dua t’ju mbroj dhe dua ta bëj këtë shumë të thjeshtë: nuse dhe dhëndër, ju lutem, bëni ceremoni tërësisht pa mjete teknologjike”, shkroi në dixhiturën e fotos.
“Shiheni këtë foto. Këtij dhëndri iu desh të anohej në altar për të parë nusen e tij që afrohej. Pse? Sepse të ftuarit me celularët e tyre ishin në altar duke i zënë pamjen. Kjo ta shpif. Dhe nuk po fajësoj këta të ftuar në veçanti; Në fakt kam goxha përgjegjësi në këtë rast. Në të shkuarën, duhet të isha treguar më specifik me klientët e mi për t’ju shpjeguar se përse nuk duheshin lejuar të ftuarit të bëjnë foto. Epo, nga tani e tutje, do ta bëj pak më të madhe”, shpjegon ai më tej, për të thënë se jo vetëm që pengojnë punën e fotografëve që paguhen për këtë, por mbi të gjitha pengojnë vetë çiftin në ditën e tyre më të rëndësishme.
“Më e rëndësishmja është që në një ditë të tillë, kur ti kthehesh për të lexuar emocionet në fytyrat e të ftuarve, nuk e bën dot një gjë të tillë sepse ato janë të mbuluara nga celularët”.
Burimi: Mashable
