Një nga vajzat e reja të “Për’puthen” është Fjori nga Lushnja, e cila u përlot sot duke treguar historinë e saj sentimentale.
Në puntatën e sotme u dha takimi midis Albit dhe Alesjas, të cilët po shfaqin një romancë tepër të bukur në emision, pavarësisht se kanë bërë vetëm dy takime.
“Kur bëhet fjala për emocione, romanticitet, lidhje e çifte jam shumë e ndjeshme. Kam kaluar edhe unë historitë e mia. Më kujtohet një histori dashurie. Ka qenë historia e parë dhe e fundit, momentalisht. Jam pak e lënduar, nuk dua të flas për këtë pjesë, për shkak se nuk dua ta bëj shumë publike. Jam shumë besnike, shumë ekstremisht. Nderin dhe besnikërinë e kërkoj pafund, në momentin që unë e jap. Humbëm të dy, ai më shumë sepse gaboi. Ashtu siç e jap ashtu e kërkoj dashurinë. Kam 3 muaj që jam ndarë, një ekonomiste në Lushnjë më ndihmoi ta kaloja atë stresin. U përfshiva shumë dhe kam pasur shumë stres”,- tregoi Fjori.
Bora e pyeti nëse ai e ka tradhtuar dhe Fjori e mohoi.
“Jo nuk ishte tradhti, por nuk ishte ashtu siç doja që ai të ishte me mua, i drejtpërdrejtë. Dashurinë nuk e vë në dyshim, e di që më ka dashur, të paktën unë e mendoj, jo se e dua, por e mendoj. Nuk e di nga ana e atij, po e ke parasysh kur personi gabon dhe e vret ndërgjegja dhe jam e sigurt që kur më shikon e ka ndjenjën e fajit e të mallit.”,- tha ajo.
