Mbrëmjen e sotme, një makinë e tipit “Range Rover” është përfshirë nga flakët.
Makina është në pronësi të shtetases Françeska Jaçe, banuese në Vlorë.
Ngjarja ndodhi rreth orës 21:04, në lagjen “Pavarsia”. Ka dyshime që zjarri të ketë qenë i qëllimshëm, pasi mendohet se makina luksoze “Range Rover Velar” është tentuar të vidhet.
Njoftimi i policisë:
Më datë 29.03.2021, rreth orës 21:04, në lagjen “ Pavarsia”, Vlorë, ka rënë zjarr dhe është djegur pjesërisht një mjet i markës “Range Rover”, në pronësi të shtetases Franceska Jaçe., banuese në Vlorë.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Sipas burimeve të policisë, automjetet luksoze kanë një sistem anti-zjarri që kur ndjejnë flakë në afërsi të sensorëve në pika të caktuara, hapen automatikisht. Makina e Françeska Jaçe është ndër mjetet më të shtrenjta, pasi vlera e saj shkon në mbi 50 mijë euro.
Fillimisht, policia mendoi për një bombë poshtë automjetit, por pas verifikimit doli që ishte vetëm një vatër zjarri, e cila dyshohet se ishte vendosur qëllimisht. Dy pistat e hetuara janë ato të një tentative për një zjarrvënie të qëllimshme dhe pista e dytë, është ajo e tentativës për vjedhjen e makinës, e cila në tregun e automjeteve të vjedhura, ka po ashtu vlerë shumë të lartë.
Vetë modelja dhe ish-banorja e “Big Brother” s’ka reaguar rreth kësaj ngjarjeje në rrjete sociale, ndërsa postimi i saj i fundit është në avion, me vendndodhjen Brazil.
E ftuar në një intervistë 60-sekondëshe në Prive, Jaçe u pyet nëse është e majtë ose e djathtë, pyetje të cilës iu përgjigj kështu:
“Kam ndërmend që të hedh vetë kandidaturën në Vlorë si deputete e Vlorës, kështu që ngelet për t’u parë”.
Më tej, Jaçe tregoi momentin më të frikshëm në jetë:
“Kur kam bërë aksident para disa muajsh”.
A ekziston mundësia që Françeska të kthehet sërish në Big Brother?
“Varet nga sasia e parave që më ofrojnë”.
Po kështu, ndër të tjera, modelja u pyet se me kë prej shoqeve nuk flet më.
“Me disa prej tyre, dy”, tha ajo.
