Emocionet e Bebe Rexhës nuk u mbyllën me koncertin që mblodhi mijëra fansa të saj në sheshin “Nënë Tereza”. Në fakt, përfundimi i koncertit ishte vetëm fillimi i një mbrëmje magjike të paharrueshme për këngëtaren shqiptare.
Pasi mori Çelësin e Tiranës nga kryetari i Bashkisë, Erion Veliaj, Bebe Rexha bashkë me balerinat dhe personat që e shoqëronin e shumë të afërt u mblodhën në ambientet e një lokali, ku mbizotëronte muzika shqiptare.
Madje këngëtarja iu mësoi si të kërcenin këngët popullore shqiptare edhe balerinave të huaja që e shoqëronin.
Bebe ka dashur që çdo emocion të saj mbrëmjen e 9 shtatorit ta ndajë me fansat e saj në rrjetin e saj social “Sanpchat”. Në videot e saj nuk mungon momenti kur këngëtarja bën me duar simbolin e shqiponjës dhe ndjekja e disa prej valleve të njohura. Në një postim në “Instagram” këngëtarja shkruan se ishte momenti më i bukur i jetës së saj.
Ajo që nuk mbeti pa u dalluar ishte kombinimi i “skuadrës” së saj, të gjitha të veshura me simbolin e flamurit shqiptar kuq e zi, përfshirë edhe vetë Rexhën, e cila fillimisht u shfaq në skenë me një pelerinë të kuqe dhe veshjen e zezë.
*Shfleto galerinë
Burimi: Snapchat
