Olivia Palermo njihet si një nga fashionistat më të famshme, duke sjellë frymëzim përmes veshjeve të saj në fushatat e stilit të rrugës.
30-vjeçarja ka shprehur stilin e saj në koleksionin Coast Vjeshtë/Dimër 2016, e cila u prezantua sot.
Olivia ka punuar krah ekipit dizajnues të kompanisë në mënyrë që të prezantojë një linjë me veshje të veçanta për muajt e ftohtë.
Rezultati është një koleksion me ngjyrat e vjeshtës, nuancat e kafes, grisë dhe vjollcës, duke përfshirë si veshjet e mbrëmjes ashtu edhe ato të përditshmërisë.
Olivia tha se puna me markën është një kombinim perfekt: “Coast” përfundimisht sjell diçka unike në stilin e lartë, ata besojnë se të veshurit është argëtuese dhe unë gjithashtu mendoj kështu, bashkëpunimi me ta për koleksionin vjeshtë/dimër ishte një eksperiencë shumë e këndshme. Unë ndërthura ngjyrat e guximshme metalike dhe disa materiale luksoze, si kadifja dhe damasku”.
Fokusi i saj ishte t’i bënte njerëzit që do t’i veshin rrobat të ndihen mirë me veten. “Kur isha kuratore e koleksionit, ne ramë dakord që është e rëndësishme që çdo femër të ndihet e bukur dhe me vetëbesim”, shprehet ajo.
Olivia duket pikërisht e tillë kur pozon si modele për veshjet e saj të preferuara të koleksionit. Kjo nuk është hera e parë që Olivia është në pozicionin e dizajnueses, pasi më herët ka dizajnuar koleksionin e vjeshtës për Chelsea28, gjatë Javës së Modës në Nju-Jork.
*Shfleto galerinë
Burimi: Daily Mail
