Në fillimin e sezonit të ri televiziv në shtator të vitit të kaluar Jonida Maliqi përmes postimeve në Instagram bëri me dije se po përgatitej të ishte pjesë e një emisioni në “Top Channel”. Më vonë u zbulua se ajo do të drejtonte një rubrikë në “E diell”, por në promon e publikuar disa ditë më parë këngëtarja nuk duket gjëkundi.
Sipas “Bordo” ajo ka hequr dorë nga “E diell” për shkak të angazhimeve në festivalin e Eurovision.
“Eurovision kërkon shumë impenjim parapërgatitor, ndaj e kisha të pamundur të isha pjesë e ‘E diell’” – është shprehur Jonida.
Shumë shpejt ajo do të përfaqësojë vendin tonë në festivalin e famshëm europian që do të mbahet në Izrael.
