Ylli i Arsenalit, Mesut Ozil, është sulmuar ditën e sotme nga një bandë djemsh me thika, të cilët kanë tentuar t’i futen në makinë.
Ozil ndodhej me mikun e tij, Sead Kolasinac, teksa janë kapur në befasi nga banda, ndërsa kamerat e sigurisë kanë arritur të filmojnë gjithçka.
Dy djemtë kanë nisur t’i kundërpërgjigjen sulmuesve dhe në një moment, Ozil ka mundur të dalë nga makina dhe me shpejtësi është futur në një restorant aty pranë.
Kamarierët kanë treguar se futbollisti dukej i tmerruar nga ngjarja e ndodhur, ndërkohë që banda është larguar me shpejtësi pas sulmit.
Sipas mediave të huaja, Ozil dhe Kolasinac janë shëndoshë e mirë pasi mundën t’i shpëtojnë rrezikut.
