Puna ka nisur për të sjellë në ekranin e “Top Channel” edicionin e tretë të spektaklit “The Voice Kids”! Ndërsa është mësuar se Ledion Liço nuk do të jetë më moderatori i spektalit, pasi i ka lënë stafetën Dojna Memës, është zbuluar një tjetër ndryshim.
Këngëtarja Eneda Tarifa ka zbuluar se nuk do të jetë më pjesë e jurisë së “The Voice Kids”. Përmes një postimi në “Instagram”, ajo ka njoftur se për shkak të angazhimeve personale është detyruar t’i thojë “jo” produksionit.
“Miqtë e mi, ju informoj me shumë dashuri se për shkak të impenjimeve personale, plane dhe projekte televizive tepër të rëndësishme për mua, nuk mundet që këtë vit të jem pjesë e jurisë së ‘The Voice Kids 3’. I uroj suksese miqve të mi në sezonin e ri, Aleksandër Gjoka, Renis Gjoka, Miriam Cani dhe veçanërisht Ledion Liços për këtë bashkëpunim mbresëlënës. Suksese të gjithë fëmijëve. Le të fitojë më i miri”, – ka shkruar Eneda Tarifa.
Tanimë, jemi gjithë sy e veshë të mësojmë se kush do të jetë personazhi që do të ulet në karrigen e saj për të gjykuar vogëlushët e talentuar.
