Blogerja e njohur por njëkohësisht edhe e fejuara e djalit të ish-kryeministrit Sali Berisha, Armina Mevlani është aksidentuar.
Ngjarja mësohet të ketë ndodhur këtë mesditë në Tiranë, pranë një kryqëzimi në Astir.
Armina ka qenë duke udhëtuar me një “Audi Q5” me ngjyrë të bardhë dhe është përplasur me një mjet tjetër “Mercedez Benz”.
Nga fotot e publikuara më poshtë shihet se ka vetëm dëme materiale. Mevlani dhe personat që ndodheshin në mjetin tjetër janë në gjendje të mirë shëndetësore.
Armina është padyshim një ndër personazhet e njohur, emri i së cilës përbën lajm sa herë shfaqet. Në një intervistë për “Elite”, Armina ka treguar dëshirën e saj për të jetuar jashtë vendit, pasi thotë se Shqipëria nuk është vendi i duhur për të dhe s’ka asnjë të ardhme.
E fejuara e Shkëlzen Berishës, djalit të Sali Berishës, thotë se për të realizuar ëndrrat e saj dhe për të hapur dyqanin e të brendshmeve në Tiranë, është munduar dhe lodhur shumë. Gjithashtu, ajo rrëfen njohjen me Zenin dhe siguron se kur filloi ta simpatizonte, nuk e dinte që ishte djali i ish-kryeministrit.
“Për çfarë kam arritur deri tani jam e kënaqur për dy arsye, e para për faktin që unë nuk kam lindur në një qytet mode si Londra, Milano apo Parisi dhe për mua ka qenë e vështirë, dyfish të futem në një treg që vajza të cilat jetojnë në këto qytete ende mundohen të jenë pjesë, madje kam shumë mikesha që më thonë “Si ia ke dalë?”, në sensin duke mos jetuar aty dhe duke pasur këto njohje apo bashkëpunime”, është shprehur ajo.
