Ai shkroi së fundmi në mediat sociale se albumi i tij i ri është rrugës.
Duket se 25-vjeçari Ed Sheeran ka zgjedhur një nga këngët e albumit të tij për t’i realizuar një videoklip këtë javë. Në fakt ajo që na çudit, është fakti se si arriti që të takohej me sozin e tij para se të niste xhirimet.
Pavarësisht kësaj, Ed Sheeran dukej mjaft i lumtur teksa takoi për herë të parë sozinë e tij, i cili edhe pse pak vite më i vogël duket thuajse i ngjashëm me këngëtarin e famshëm britanik.
Momenti i parë i takimit ishte i qetë, por pak momente më vonë këngëtarit 25-vjeçar i lind një ide perfekte. Ai ndërroi rrobat me sozinë e tij dhe menjëherë nisën xhirimet për një videoklip të albumit të tij të ri.
Fshati i vogël Suffolk në Britani, u shndërrua në një ambient xhirimi, ku sozia e Ed po bënte prova dhe po merrte këshilla nga këngëtari për realizimin e projektit dhe të dy ata dukeshin mjaft të emocionuar për këtë fakt.
Ideja bazohet në vitet e adoleshencës së këngëtarit, të cilin po e zëvendëson kopja e tij. Fansat shprehen shumë të emocionuar për këtë ide dhe në të njëjtën kohë ngrenë pyetjet se nëse ky sozi do ta zëvendësojë këngëtarin edhe në jetën e përditshme.
Burimi: Daily Mail
