Sukseset e këngëtareve shqiptare në tregun ndërkombëtar nuk kanë të sosur. Pas performancës së saj hapëse në “Kupën e Botës” dhe hitit “New Rules”, Dua Lipa do të bëjë historinë me këngën e rradhës.
Sipas britanikes “The Sun”, Dua Lipa do të këndojë kolonën zanore të filmit më të ri të James Bond, “Bond 25”.
Lajmi u bë i ditur nga anëtari i grupit “Years and Years” i cili pa dashur zbuloi se kolona zanore do t’i besohej këngëtares shqiptare.
“Mendova se do të na kërkonin ne për ta realizuar këngën, por besoj se do e këndoj Dua Lipa” – u shpreh Mikey Goldsworthy.
Më herët, në një intervistë për “Billboard” në muajin maj, këngëtarja e hitit “New Rules” hodhi hipoteza se do të këndonte kolonën zanore të James Bond, por theksoi se ende nuk ka rregjistruar asgjë.
“Do doja shumë ta performoja unë por nuk kam rregjistruar ende… Deri më tani! Nuk dua të flas para kohe. Por do doja shumë ta realizoja unë” – u shpreh Dua Lipa.
Kolona e fundit zanore për filmin “Spectre” u këndua nga këngëtari britanik Sam Smith në vitin 2015. Kënga mbante titullin “ Writing’s On The Wall”.
