Shefi i Urgjencës Kombëtare Skënder Brataj i cili e mposhti virusin COVID-19, dhe u rikthye në punë, ka folur për lirimin e masave dhe pasojat që na presin pas tyre.
Në një intervistë për “Fax Web” ai u shpreh se me lehtësimin e masave do të shihet ecuria e rasteve të personave të infektuar. Kur kjo të ndodhë, Brataj theksoi se do të ketë edhe rritje të personave të infektuar, por çështja kryesore është sa do të shkojë bilanci i tyre!
“Nëse ne do të lirojmë disa aktvitete që grumbullojnë më pak njerëz, duke parë respektimin e rregullave, duke parë 14 ditët e karantinë, do të shohim a do të ketë të infektuar! Që do të ketë do të ketë! Por sa do të ketë? Në bazë të ndryshimit të numrave të infektimeve do të shikohet nëse masat do të lirohen apo do të shtrëngohen.
Brataj u shpreh se nuk sheh asnjë problem të dalja apo lëvizja, por te respektimi i rregullave nga vetë njerëzit. Ai tha se duhet të mësohemi të bashkëjetojmë me virusin, dhe të gjejmë një zgjidhje që ta izolojmë:
“Nuk shoh problem te dalja dhe lëvizja, por te masat që duhet të merren nga vetë njerëzit. Të fillojmë të orientohemi se duhet ta menxhojmë këtë situatë dhe të bashkjetojmë me virusin. Jemi në një situatë që ky virus u fut në historinë e sëmundjeve. Kjo sëmundje nuk është e thënë se do të zhduket, por problemi është se kemi pak njohuri për këtë sëmundje. Ne do të mundohemi të bashkjetojmë me të, por do të gjejmë një zgjidhje që ta izolojmë. Do të bashkjetojmë me këtë sëmundje, sepse nuk ka sëmundje që jeton gjithë jetën.”- u shpreh Brataj.
/FAX Web
