Pas lajmit të ndarjes së vajzës Lori Harvey nga i dashuri Michael B. Jordan, Steve Harvey ndau mendimet e tij pasi konfirmoi se vajza e tij dhe aktori janë ndarë. Për sa i përket asaj se si ndihet për përfundimin e marrëdhënies, Steve tha me shaka: “Ndihem mirë. Jam mirë. Duhet të shkoj ende në punë. Duhet të kujdesem ende për familjen time.”
“Unë jam me Lori-n, 1000 për qind”, shtoi ai. “Ajo është vajza ime. E dua, e mbështes”.
Steve vazhdoi duke theksuar se është e vështirë të kesh një marrëdhënie të suksesshme në qendër të vëmendjes. “Për sa kohë që të gjithë mund të largohen në paqe, jini miq… Për sa kohë që ti nuk i vë duart mbi vajzën time, nuk më intereson çfarë bën. Ai është ende një djalë i mirë…me sa di unë. Është një ndarje. Jam shumë i sigurt se ata do të jenë mirë. Njerëzit ndahen gjatë gjithë kohës,” shtoi Steve, i cili është martuar tre herë. “Unë thjesht do të doja të kisha mundur të ndahesha pa faktorin e kostos! Duhet të filloja të mësoja nga fëmijët e mi, të dilja herët! Prita shumë vonë.”
Lori, 25 dhe Michael, 35 vjeç, ndezën për herë të parë thashethemet për romancë në fund të 2020, pak para se të zyrtarizoheshin në Instagram në janar 2021. Që nga ai moment, dyshja dukeshin të pandarë, duke shijuar udhëtimet nëpër botë së bashku dhe duke postuar homazhe për njëri-tjetrin në rrjetet sociale . Mirëpo pas ndarjes, Lori ka fshirë nga Instagrami postimet e saj me Michael.
