Natyrisht që si çdo vit, edhe këtë herë pjesën e parë të gushtit Armina Mevlani do t’i dedikohet familjes, duke vijuar më pas pushimet me partnerin e saj, Shkëlzenin.
Në intervistën dhënë për “Bluetooth”, bukuroshja e ekranit rrëfen se edhe përgjatë kësaj vere do të vijojë të postojë foto nga resortet luksoze, duke mos u shqetësuar për komentet negative që merr në rrjetet sociale. E teksa e pyesim për një fejesë apo martesë në horizont, bukuroshja rrëfen se mediat do ta marrin vesh vetëm ditën e madhe, duke preferuar ta mbajë sekret deri atëherë.
“Nuk kam vendosur asgjë. Besoj se do t’i bëj pushimet edhe në Shqipëri edhe jashtë. Ditët e para të gushtit do t’i bëj më prindërit. Po sigurisht dhe me Shkëlzenin, por mendoj se nga shtatori. Nga fillimi i shtatorit”.
E pyetur se çfarë mendon për kritikat mbi jetën e luksit dhe foto që poston nga udhëtimet Armina u shpreh se nuk ndikohet fare nga ajo që thonë të tjerët:
“Po normal që do t’i postoj, nuk ka lidhje fare çfarë thonë të tjerët. Nuk ndikohem fare”.
