Jennifer Aniston duket se ka vendosur të ketë kontakte me të gjithë ish-ët e saj.
Pasi u pa mjaft e afërt me Brad Pitt, ajo së fundmi ka qenë në të njëjtin restorant me ish- partnerin, John Mayer.
Ata janë kapur mat teksa po largoheshin nga një restorant shumë i njohur në Los Angeles.
Dyshja shihet se është habitur kur ka parë paparacët tek dera e restorantit, megjithatë janë përpjekur që të mos bien në sy.
Nuk dihet nëse ata kanë darkuar bashkë apo zgjedhja e restorantit ka qenë një rastësi, por me siguri diçka po fshihet.
Jennifer kaloi një romancë me këngëtarin John Mayer për një vit. Ata u ndanë nga gushti i vitit 2008 kur ai mbajti një konferencë shtypi për të njoftuar ndarjen sepse “diçka nuk po shkonte si duhej”.
Epo teksa po shpresonim për një ribashkim mes Jennifer-it dhe Brad-it në skenë na u shfaq John, të shohim si do vazhdojë situata.
