Këngëtarja shqiptare Rita Ora ka pozuar pranë disa prej emrave më të njohur të modës.
Bukuroshja nga Prishtina mori pjesë dje mbrëmjen në gala që u mbajt në Londër, me rastin e ceremonisë së përvitshme të ndarjes së çmimeve të modës, British Fashion Awards.
Rita Ora kishte veshur një fustan të gjatë pas trupit, që i shfaqte linjat seksi. Përpos paraqitjes mbreslënëse, e veçanta qëndronte te shoqëruesit e saj të mbrëmjes.
Rita u ul në tryezë me disa nga personat më të famshëm të momentit, modelen Jordan Dunn, kampionit të arteve të përziera marciale (UFC), Conor McGregor, supermodelen Irina Shayk dhe pilotin e Formula 1, Lewis Hamilton.
Nuk munguan edhe fotot me personalitete të njohura në fushën e modës, si Donatella Versace, e cila e publikoi foton me shqiptaren dhe Hamilton në Instagramin e saj.
Për Ritën ky nuk është takimi i parë me yje të sportit si Hamilton dhe McGregor, pasi më parë ajo ka frekuentuar klubet e natës në Londër me yllin e futbollit Neymar, dhe mikun e saj të vjetër të Formula 1, Hamilton.
Rita Ora madje u përfol për një lidhje me Hamilton, por deri tani kjo mbetet në kuadër të thashethemeve.
