Sa herë ju ka ndodhur që të bëheni pjesë e një konkursi a llotarie me bindjen se gjithçka ka qenë e kotë dhe se nuk do të fitoni kurrë?
Me siguri kështu kanë menduar edhe vajzat fatlume që dje, krejt papritur, u bënë fituese të disa dhuratave dhe jo dhurata dosido, por nga ato të shijshmet.
Mesditën e së enjtes, pranë resortit “Tarracat” në Tiranë u shpallën fituesit e konkursit të realizuar nga aplikacioni i porositjes online të ushqimit, “Snapfood” në Instagram, ku më shumë se 200 ndjekës janë bërë pjesë e shorteut për të fituar një drekë/darkë me vlerë 7 000 lek të rinj në një prej restoranteve më të mirë në Tiranë, pjesë e “Snapfood”.
Por në eventin plot surpriza, siç ishte prania e bukuroshes së spektaklit “E diela shqiptare” Andresa Soares, gjithçka mori një rrjedhë tjetër, pasi nga 7 000 lek, vlera që do të fitohej u shndërrua në plot 10 000 lek.
Por surprizat nuk mbaruan me kaq! Gjithashtu, pas shpalljes së fitueses së madhe, dhe 9 emra të tjerë u përzgjodhën gjatë shorteut të transmetuar live në Instagram.
Të zgjedhurit e tjerë u bënë fitues të kuponave me vlerë 1 000 lek të rinj që mund t’i shfrytëzojnë në secilin prej restoranteve, pjesë të “Snapfood”.
