Frika për të pasur një fëmijë mund të lindë për arsye ekonomike, si shpenzimet për ushqyerjen, kopshti, veshja, arsimimi, etj. Është dhe një tjetër fenomen që merret shumë pak në konsideratë dhe ai është: tokofobia, një sindromë që tregon një frikë të tepruar dhe të pabazuar nga lindja.
Shumë gra kanë frikë nga lindja, por tek disa, lindja mund të kthehet në një fobi të vërtetë. Sipas Universitetit të Oslos, nëse lihen të patrajtuara këto frikëra zgjasin kohën e lindjes për një orë e 32 minuta. Këto gra, kanë veçanërisht frikë nga dhimbja, apo nga humbja e kontrollit dhe dëmtimet në vaginë që mund të largojnë partnerin e tyre. Simptomat e tokofobisë fillojnë në një moshë të re, shpesh pas një ngjarjeje traumatike në të cilën kanë marrë pjesë.
Tokofobia mund të ndahet në dy lloje – parësore dhe dytësore. Tokofobia primare ndodh te gratë që nuk kanë lindur më parë. Për këto gra, frika nga lindja ka tendencë të vijë nga përvojat traumatike në të kaluarën e tyre – përfshirë këtu edhe abuzimin seksual. Mund të lidhet gjithashtu me të qenurit prezent në një lindje të vështirë ose me të dëgjuarit e historive të cilat e portretizojnë lindjen si të tmerrshme ose të rrezikshme.
Gratë që vuajnë nga tokofobia dytësore kanë tendencë të kenë pasur një përvojë të mëparshme traumatike në lindje.
Është e vështirë të dihet se sa e zakonshme është tokofobia. Hulumtimet sugjerojnë që mes 2.5% dhe 14% të grave preken nga tokofobia. Por disa studiues besojnë se kjo shifër mund të jetë e lartë, deri në 22%. Pra, ndërsa disa gra mund të kenë tokofobi relativisht të lehtë, për të tjerat, gjendja është shumë më e rëndë.
Ankthi, pagjumësia, insomnia, çrregullimet e të ngrënit dhe depresioni para lindjes ose rritja e rrezikut të depresionit pas lindjes etj. janë identifikuar si pasoja të tokofobisë. Disa gra me tokofobi mund të kenë lidhje jo të fortë me foshnjën.
