Poem Blu udhëtoi më në fund drejt Kosovës së bashku me mami Sarën dhe babi Ledrin për t’u njohur me njerëzit më të afërt, që e kanë pritur me padurim takimin me të. E para që e ndau këtë gëzim kaq të madh ishte gjyshe Xheraldina, që ka ndarë në rrjete sociale foton e parë me mbesën e saj.
Ajo ka publikuar në Instagram një foto, në të cilën shihet duke mbajtur në krahë Poem Blu. Xheraldina duket se është emocionuar pafund nga ky takim dhe e ka përshkruar më së miri me pak fjalë.
“Dhe ajo erdhi dhe zemra ime shkriu dhe filloi të rrahë në një ritëm tjetër”, ka shkruar Xheraldina tepër e lumtur.
Xheraldina ka publikuar një video edhe nga shtëpia e tyre në Prishtinë, e cila është zbukuruar e gjitha duke nisur që nga oborri. Në hyrje të shtëpisë dhe kudo janë vendosur tullumbaca dhe arush, e diku është shkruar: “Mirë se erdhe Poem”. Pritje më të ëmbël se kaq nuk mund të kishte për të voglën, që për pak ditë feston 1-mujorin e lindjes.
Xheraldina tregoi para disa javësh se po pritste me paudrim mbesën e saj, që është edhe e para që i dha emrin gjyshe. Ajo tha se të voglës i thërret me përkëdheli Poi.
“Unë nuk kisha gisht në vendosjen e emrit të vajzës, doja që vetë mami dhe babi i saj ta merrnin këtë vendim. Ama unë i kam vënë një ‘nickname’ e thërras me përkëdheli Poi.” , tregoi Xheri teksa ishte e ftuar në një emision radiofonik.
