Këngëtarja Elvana Gjata shfaqet rrallë e për mall në rrjete sociale dhe daljet e saj publike i numërojmë me gishtat e dorës.
Ajo i ka lënë hapërisën fansave t’ia ndjejnë mungesën dhe çdo postim i ri nga këngëtarja pritet me kuriozitet të madh nga publiku.
S’kemi dëgjuar asgjë nga Elvana prej një viti, por të gjithë jemi të bindur që ajo po rikthehet pas fotove të fundit që pamë në llogarinë e saj në Instagram.
Këngëtarja ka ndarë disa foto ku shihet në studion koreografike të Albi Nakos.
Ndonëse nuk ka shkruar asgjë krah postimeve fansat janë të bindur se ajo po përgatitet për projektin e ri muzikore, madje ka nga ata që aludojnë se mund të marrë pjesë edhe te “Kënga Magjike”.
View this post on Instagram
Mirëpo, një pistë tjetër “dyshimi” ka nisur pas komentit të reperit Mozzik në fotot e Elvanës.
Duket se ai ka folur me mesazhe të koduara dhe duhet të jetë një batutë e brendshme të cilën nuk e kuptuam dot.
“Çuhet a po Quhet ?”- ka shkruar Mozzik, ndërsa ky koment ka mjaftuar që të nisin aludimet se mes tyre mund të ketë një bashkëpunim.
Në fakt, nuk është aspak çudi madje do të ishte një lajm fantastik nëse dy këngëtarët më në zë të momentit do të vinin me një projekt të përbashkët. Imagjinojeni si do të digjej vendi!
