Oriola Marashi prej kohësh ka lidhur një kontratë me markën e famshme “Guess” dhe është bërë shpesh herë pjesë e sfilatave të brandit të njohur. Ndërkohë duke qenë pjesë e markës, Oriola ka udhëtuar së fundmi drejt Romës për një set fotografik. Së bashku me modele të tjera ajo ka shijuar në maksimum këtë udhëtim dhe eksperiencën e saj nuk nguroi ta ndante me ndjekësit në rrjete sociale.
“Çdo ditë është një bekim. Kalova një fundjavë të mrekullueshme në Romë, duke pozuar për fushatën magjike të Guess. Jam shumë mirënjohëse dhe e bekuar që njoha njerëz të mrekullueshëm, miq që u kthyen në familje, ëndrra që u kthyen në realitet. Faleminderit Paul Marciano që më besove, faleminderit Nima Benati dhe faleminderit gjithë skuadrës së Guess që na mbështeti dhe na dha ngrohtësi”, ka shkruar modelja përkrah disa fotove të saj shumë tërheqëse.
View this post on Instagram
Ajo ka theksuar se fotot janë bërë nga Natalia Braulich, që është shumë e njohur për mediat rozë në mbarë botën. Madje Oriola ka pozuar përkrah Natalias dhe kjo e fundit ka ndarë në Instagram disa foto me modelen shqiptare. Edhe Natalia është bërë pjesë e fushatës së “Guess” njësoj si Oriola dhe dy vajzat duket se kanë nisur një miqësi shumë të bukur me njëra-tjetrën.
Siç thamë Natalia është një emër shumë i njohur, sepse pak kohë më parë ajo i dha fund lidhjes me yllin e muzikës latine, Maluma. Madje pas ndarjes me këngëtarin ajo u përfol për një lidhje me futbollistin, Neymar, por më pas u zbulua se mes tyre ka vetëm miqësi e asgjë më tepër.
