Mbrëmjen e nesërme, qielli do të shfaqë një nga ngjarjet më të pazakonta të 30 viteve të fundit. Mbrëmjen e 31 janarit, do të shohim një “Super Hënë” të “përgjakur” ose, siç quhet ndryshe, eklipsi i zjarrtë.
Të gjitha fenomenet janë të rralla, por diçka e tillë thuhet se nuk ka ndodhur që prej vitit 1982.
Vizioni i saj të do të shihet përgjatë gjithë pjesës perëndimore të Amerikës së Veriut e deri në Lindje të Azisë. Pjesa tjetër do të mund ta shohë përmes filmimeve live, që do të shpërthejnë kudo në rrjetet sociale.
Super Hëna e plotë shkëlqen 14% më shumë se ajo e zakonshmja dhe të mërkurën (nesër, 31 janar) do të jetë e dyta për këtë vit, pas asaj të 1 janarit.
31 janari është cilësuar si një nga mbrëmjet më dramatike dhe të çuditshme dhe NASA i ka sugjeruar njerëzve që mos ta humbasin.
Burimi: Independent
