Çfarë dimë për personat e tjerë që vdiqën në aksidentin tragjik ku humbi jetën Kobe Bryant dhe vajza Gianna!

Nëntë njerëz vdiqën pas rrëzimit të helikopterit me të cilin udhëtonte basketbollisti Kobe Bryant me vajzën e tij, Gianna.

Grupi po fluturonte në Thousand Oaks, California, të dielën për një lojë basketbolli, ku Gianna pritej të luante dhe Bryant do të ishte trajner.

Lexo edhe :

Indri: Ndarja do kohë për t’u shuar 100%, sepse janë trauma të mëdha

14:25 10/04/26

Rusia dhe Ukraina bien dakord për armëpushim për Pashkët Ortodokse

14:07 10/04/26

Vetëm pak orë pas aksidentit, janë publikuar edhe emrat e viktimave të tjera, pasi familjarët e tyre kanë konfirmuar humbjen e madhe nga aksidenti ajror.

Trajneri i bejsbollit të Orange Coast College (OCC) John Altobelli, gruaja e tij Keri dhe vajza, Alyssa, ishin në bordin e helikopterit, sipas vëllait të Altobelli-t, Tony.

Gianna dhe Alyssa ishin shoqe të skuadrës në Akademinë Mamba, dhe shpesh udhëtonin me njëra-tjetrën kur kishin ndeshje.

Christina Mauser, një asistente e trajnerit të basketbollit për vajza, në një shkollë private K-8 në Orange County gjithashtu vdiq në aksident.

“Fëmijët e mi dhe unë jemi shkatërruar”, ka shkruar burri i saj, Matt Mauser në Facebook. “Ne kemi humbur gruan dhe nënën tonë të bukur sot në një aksident me helikopter. Ju lutemi respektoni privatësinë tonë. Faleminderit për të gjitha fjalët e mira që kanë aq shumë rëndësi për ne”.

Sarah Chester dhe vajza e saj, Payton, ishin gjithashtu pasagjere në helikopter, sipas një postimi në Facebook nga Todd Schmidt, drejtori në Shkollën Fillore Harbour View, ku kishte studiuar Payton.

Bryant, 41 vjeç dhe vajza e tij Gigi, kishin të njëjtin pasion për lojën e basketbollit dhe ajo dëshironte të luante në WNBA.

Ikona e NBA la pas vajzat e tij, Natalia, Bianka dhe Capri, e cila ka lindur qershorin e kaluar, dhe gruan e tij, Vanessa.

Kobe and Gigi courtside breaking down the game ? pic.twitter.com/FxqSjVx6ew

— ESPN (@espn) December 22, 2019