Ajo që do të mbetet gjithmonë në modë është natyralja! Duket se celebrities shqiptare e dinë këtë, ndaj dhe kanë nisur që t’i rikthehen.
E para që mori këtë hap ishte Çiljeta Xhilaga. Pas ndërhyrjes për zvogëlimin e gjoksit, këngëtarja vendosi që të vinte me një ndryshim tjetër në paraqitjen e saj. Biondja platin që ishim mësuar të shikonim tashmë është kthyer në brune, duke i shtuar modelit të flokëve edhe balluket. Pas këtij ndryshimi, Çiljeta ka kërkuar edhe mendimin e fansave.
Elvana Gjata, e cila solli stilin e saj me flokët kaçurrela bionde në videoklipin e fundit, duket se ka hequr dorë prej tyre. Pak ditë pas publikimit të këngës së re, Elvana postoi disa foto në profilin e saj të “Instagram”-it, ku na tregon një pamje vajzërore si në kohët kur e kemi njohur për herë të parë. Me flokët e drejtë dhe të shkurtër, ngjyrë gështenjë, Elvana duket më e freskët dhe rinore.
Lori Hoxha dihet se ndjek trendet e fundit! Por për të realizuar këtë të fundit ende nuk është e gatshme të heq dorë nga flokët e saj natyral. Ajo ka vendosur ta provojë trendin e natyrales me anë të parukave. Trashëgimtarja e Top Medias nuk është shfaqur asnjëherë me një look ndryshe nga flokët e saj bionde, siç e kemi parë përherë. Por duket se e ka marrë seriozisht të qenit brune, qoftë edhe për pak kohë.
Ndërsa Dafina Zeqiri, e cila nisi të ndiqte trendin e flokëve ngjyrë bionde duke u kthye përkohësisht në maj, tashmë ka zgjedhur t’i qëndrojë brunes. Por me një ndryshim të vogël në modelin e tyre.
Burimi: Iconstyle
