Ceremonia “Billboard Music Awards” u zhvillua mbrëmjen e së dielës në Las Vegas. Ndërsa tapeti i kuq nga Festivali i Filmit të Kanës u mbyll, celebrities u shfaqën në tapetin “rozë” të ceremonisë së ndarjes së çmimeve për muzikën pop.
Nga tapeti me fustanet e shkurtra ose me shkëlqim, të famshmit ndryshuan paraqitjen e tyre kur u ngjitën në skenën e ceremonisë, me në krye Rihanna-n, e cila ndërroi tre herë veshjen e saj.
Celine Dion dha një interpretim prekës të këngës së Queen “The Show Must Go On”, një performancë plot drithërima. Madonna dha një performancë në nder të Prince në krah të Stevie Wonder; ata kënduan “Purple Rain” një ndër ikonat e muzikës, që u nda nga jeta në 21 prill 2016.
Britney Spears u rikthye pas shumë kohësh me një performancë në një ceremoni ndarjeje çmimesh. Ajo hapi mbrëmjen duke kënduar dhe kërcyer disa nga hitet e saj më të famshme.
Arena e Las Vegas-it solli disa nga veshjet më seksi, të cilat ishin shumë të rralla në tapetin e kuq të Kanës. Cila është veshja më e mirë dhe kush ka guxuar më shumë seç duhet?
Burimi: The Telegraph/ Harper’s Bazaar
